الحقيقة هي ايه
الحقيقة حاجة صعبة
دايما الناس بتبعد عنها
دايما بينكروها
وساعات بيشكلوها
بيلونوها و يرسموها
و في الاخر بيلاقوها
واقفة قدامهم ثابتة
و هم اللي بيتشكلوا
بيتغيروا بيتلونوا
وفي الاخر
ملهمش مبدأ
نرجع نسأل من تاني
هو ايه معني الحقيقة
و نستني اجابات و نسأل نفس الاسئلة
و نكتشف اننا مش عايزين نعرف اجابات
عايزين شماعات لكل مصايبنا
عايزين مبررات لضعفنا و فشلنا
عايزين اي حاجة نبرر بيها خوفنا
خوفنا من بكره
خوفنا من حلم
خوفنا من فكرة
او اننا نقول رأينا
هو دي الحقيقة
اننا خايفين
ليست هناك تعليقات:
إرسال تعليق