بينما كنت احظي بلحظة استجمامي اليومية في البانيو حيث الماء الدافئ ينهمر علي رأسي و استمتع بموسيقي بيتهوفين و اشرب النيسكافيه كنت بلعب بالرغوة و افكر فيما سوف يقابلني عندما اخرج من الحمام و هذه اللحظة السعيدة من الصفاء الذهني عندما تقول لي امي : ربنا كريم اني مجبتش اتنين من عينتك , اعمل فيك ايه ! الله يخربيت سنينك خلصت الشاور جيل و انا كالعادة سوف استعين باحسن الطرق . وش هصدر الطارشة .
بس المرة دي و انا بلعب بالرغوة و بعمل اختبارات للسلسلة زي اختبارات الكثافة بتاعت ارشميدس و بحاول اتوصل لنتايج منطقية مش عارف لاية بالظبط بس اشطة نطت في دماغي فكرة جامدة التنين
ان كمان اسبوع الكريسماس و هغني و اقول
I wish u a merry christmas , I wish u a merry christmas and happy new year
jingle bills jingle bills jingle all the way wooow
و بما ان شكلها مفيهاش حفلة كريماس بسبب الامتحانات الملعونة دي
قررت اني استرجع السنة اللي مرت و اكتشفت حاجة مهمة جدا انها احسن سنة عدت عليا في حياتي , اكتشفت فيها حاجات كتير عرفت نفسي , عرفت موقعي من الاعراب في الدنيا دي و اهم حاجة ان كل الناس اللي بحبهم حواليا الا شخصية واحدة بس و ده شئ محزن الحقيقة بس عزائي الوحيد انها في المكان اللي هي اختارته فاكيد هي مبسوطة
و الان و انا بفتكر صحاب بحبهم جدا اكتشفت حاجة مهمة اوي ان السخان بدأ يجيب مية ساقعة و دي حاجة نفيخة جدا فاعتقد اني لازم اخلص كتابة بسرعة بس اهم حاجة ان الصحاب اللي بحبهم هم اكيد بيبادلوني نفس الاحساس و بفتكر دلوقتي واد صاحبي كل ما يكلمني يقولي جملته الشهيرة ايه يا ابني مش هننزل نصور ؟ او واحدة من اعز اصدقائي برده جملتها الشهيرة ايه اخبارك يا انتيخ !!!
ليست هناك تعليقات:
إرسال تعليق