ربما تكون صدفة أو ربما تكون سخرية القدر و يمكن يكون حظي المنيل بستين نيلة مش عارف بصراحة , بس اللي متأكد منه انه كلام منطقي جدا و خصوصا اني مش من هواة مروجي نظرية المؤامرة و جو افلام الرعب بتاع التمانينات ده .
اسكندر بن اّمون او اسكندر المقدوني اعظم قائد حربي عرفته البشرية علي مر العصور , حكم تلت اربع العالم و مات و هو في اوائل التلاتينات من عمره . معنديش اي نية اني اتكلم عن تاريخه أو أسرد في كلام الكتب مليانة بيه ما علينا .
والدة اسكندر (أوليمبياس أميرة إيبيروس) كانت مولعة بالسحر و التنبؤ و الكشف عن المستقبل و كانت امرأة غريبة الأطوار ,تعشق اقتناء الثعابين و السحالي , تغيب في خلوتها في البراري أيام طويلة , أحيانا تجلس في غرفتها بدون أي ازعاج لفترات طويلة حتي بدون طعام و في يوم من الأيام فجرت أوليمبياس مفاجئة غيرت مجري حياة اسكندر رأسا علي عقب . اذ أدعت ان اسكندر ليس ابن الملك فيليب المقدوني و لكنه ابن كبير الهة المصريين اّمون و قد تجسد لها في صورة ثعبان و عاشرها و كان اسكندر النتيجة المحتومة لتلك الحادثة . في بادئ الأمر لم يصدقها أحد و لكن مع شدة اصرارها و عنادها , بدا الجميع في شبه الاقتناع او من الممكن تسميته بالرضوخ للأمر الواقع و هو ان اوليمبياس لا يوجد شخص علي وجه الارض يستطيع تكذيبها .
اسكندر بن اّمون او اسكندر المقدوني اعظم قائد حربي عرفته البشرية علي مر العصور , حكم تلت اربع العالم و مات و هو في اوائل التلاتينات من عمره . معنديش اي نية اني اتكلم عن تاريخه أو أسرد في كلام الكتب مليانة بيه ما علينا .
والدة اسكندر (أوليمبياس أميرة إيبيروس) كانت مولعة بالسحر و التنبؤ و الكشف عن المستقبل و كانت امرأة غريبة الأطوار ,تعشق اقتناء الثعابين و السحالي , تغيب في خلوتها في البراري أيام طويلة , أحيانا تجلس في غرفتها بدون أي ازعاج لفترات طويلة حتي بدون طعام و في يوم من الأيام فجرت أوليمبياس مفاجئة غيرت مجري حياة اسكندر رأسا علي عقب . اذ أدعت ان اسكندر ليس ابن الملك فيليب المقدوني و لكنه ابن كبير الهة المصريين اّمون و قد تجسد لها في صورة ثعبان و عاشرها و كان اسكندر النتيجة المحتومة لتلك الحادثة . في بادئ الأمر لم يصدقها أحد و لكن مع شدة اصرارها و عنادها , بدا الجميع في شبه الاقتناع او من الممكن تسميته بالرضوخ للأمر الواقع و هو ان اوليمبياس لا يوجد شخص علي وجه الارض يستطيع تكذيبها .
حكم اسكندر مقدونيا و توسع في حكمه و خاض معارك شرسة الي ان وصل مصر و زار معبد اّمون في واحة سيوه و طلب من الكهنة ان يتركوه وحيدا هناك لفترة ثم عينوه فرعونا لمصر بعد ان نصبوه ابنا شرعيا لامون كبير الالهة المصرية و مات اسكندر في خضم معاركه و انتصاراته في اوائل الثلاثينات من عمره اثر حمة شديدة .
طيب محدش لاحظ تشابه بين اسكندر و الاسطورة اليونانية القديمة هرقل ؟
الاتنين ولاد كبار الالهة زيوس عند اليونانيين القدماء و امون عن المصريين القدماء
الاتنين عاشوا علي الارض الي اوائل الثلاثينات من عمرهما و اسكندر مات و هرقل والده زيوس كرمه و جعله مخلد في السماء مع الالهة تقديرا لانجازاته في محاربة الشر وفقا للاسطورة اليونانية .
طيب بقي أنا عندي مفاجئة صغيرة , حياة السيد المسيح وفقا للانجيل . اّن اّن اّاّاّاّاّاّاّاّاّاّاّن
السيد المسيح يقولون انه ابن الله بمعني ان الله تجسد في صورة غالبا تكون بشرية و تزوج السيدة العذراء ثم ولد المسيج و تكلم في المهد الخ الخ الي ان جاء برسالة غيرت مجري التاريخ العالم و لكنها كانت رسالة حب و سلام و ليست رسالة بحد السيف مثل اسكندر و اذ فجأة يرفع المسيح او يصلب (مش قضيتي دلوقتي) في اوائل الثلاثينات من عمره ......
غالبا مش انا لوحدي دلوقتي اللي شفت مدي التشابه بين الاتنين .
طيب دلوقتي سؤال كان دايما محيرني ليه اتباع المسيح اخدوا الصليب شعار للمسيحية , طبعا هيتقالي ردود كتير منطقية اهمها الناس تفتكر ان المسيح ضحي بحياته علشان يغفر ذنوب الناس !! طيب معني كدا ان مادام هو ضحي بحياته علشان يغفر ذنوب الناس يبقي كل الناس هتدخل الجنة , و ده كلام غير منطقي بالمرة .
طيب لو رجعنا بالتاريخ لورا شوية قبل الفترة دي في مصر ايام الفراعنة , اخناتون دعي لاله جديد بدل كل الالهة يدعو للحب و السلام هو خالق الكون وحده و ليس له رمز فالانسان يشعر به ولا يراه و حط تحت الجملة دي خط و كانت النتيجة ان الناس كفرت بيه و اتعزل من عرشه كفرعون مصر و غالبا اتقتل لأن جرت العادة ان لكل اله رمز حتي في اليونان القديمة تماثيل الالهة اكبر دليل , الناس مكنش عندها اي استعداد تعبد كائن لا تراه ايا كان .
لو فكرنا بطرقة منطقية حنلاقي القائمين علي المسيحية بعد اختفاء المسيح (مش طالبة مناقشات بين مسلمين و مسيحيين اذا كان المسيح اتصلب ولا اترفع للسماء ) خافوا علي ديانتهم و اتخذوا الصليب كرمز للديانة علشان يدوا الناس اللي هما عايزينه و ده فعلا ساعد علي انتشار الديانة في العالم و غروري يخليني اقدر اقول و بدون النظر لديني ان اللي فكر في اخناتون و اللي حصله و فكرة الصليب هو الوحيد اللي ممكن نتوقع منه فكرة تحويل جياة المسيح لحياة اعظم اسطورة كان بيضرب بيها المثل الا و هو اسكندر......
بمعني اصح قدر يدي حياة المسيح شوية اكشن
طيب في ناس كتير بتقول عليا بقول اي كلام طيب عندي دليل تاني المذبح القدس في الكنايس و اصله في معابد الهة المصريين القدماء , اكيد يعني المصرين القدماء مكنوش مسيحيين قبل مولد المسيح مش طالبة ذكاوة ...
و هنا بيتهيألي اني لازم اقول الاسئلة اللي ناس كتير بتدور علي اجابة ليها و مفيش مانع من شوية ماسونية
اولا ليه الكنيسة الكاثوليكية مصرة اصرار تام تنفي تاريخ مريم المجدلية اللي عن نفسي شايف ان التسلسل التاريخي للاحداث اللي الجماعات السرية المستنيرة بتدعيه منطقي ( المعروفة لعدائها المعروف للكنيسة ).
ايه سبب ان الكنيسة كانت لحد القرن السابع عشر بتقول علي الانجليزية لغة الشيطان ؟
الاجابة الاكثر منطقية لان الانجليزية ابعد اللغات الاوروبية للاتينية و اللي كان فرسان المعبد بيستخدموها بعد ما سماه الفاتيكان بحملة تطهير العالم من فرسان المعبد و ده طبعا لان معظم قصور فرسان المعبد كانت موجودة في انجلترا و مازالت الي الان و تصميم كنايسهم مختلف عن بقية كنايس العالم يديك احساس انها معابد وثنية قديمة مش كنايس بالرغم من انها مصممة اصلا انها تكون كنيسة مش كانت معبد و اتحولت .
اخر دليل و اضعفهم بالنسبالي لوحات ليونادو دافنشي و جداريات مايكل انجلو اللي متهيألي و الله اعلم في لوحاتهم و جدارياتهم انهم تعمدوا اظهار الاب بنسبة كبيرة اوي من الشبه لزيوس و المسيح في طفولته و شبهه الواضح مع اسكندر , ممكن نقول ده منطقي بالنسبة لليوناردو لانه كان ماسوني و معروف عنه طول حياته انه كان ليه طقوس غريبة , لكن مايكل انجلو ده الفتي المعجزة بالنسبة للفاتيكان . و استبعد انهم اخطأوا لان الكل عارف يعني ايه ليوناردو دافنشي و مايكل انجلو .
مقدرش انكر اني لما احاول افكر في كل ده الاقي نفسي بصدق نظرية الكأس المقدسة الماسونية البحتة .
في الاخر مش هقول (لكم دينكم و لي ديني) بالرغم من كوني مسلم معتز بدينه
لكن هقول ان البشر سواء و متفرقش معايا بتصلي ازاي او حتي لمين او لونك او جنسك , الكل متفق ان في حساب و يوم قيامة ساعتها ربنا هو اللي يحكم و يقرر انا مش قاضي و لا منزه عن الخطأ علشان اقول مين صح و مين غلط .
كل ما في الامر اني بحب البحث في التاريخ القديم و مصيبتي اني بعرف اربط الاحداث ببعض كويس .
كل الكلام اللي انا كاتبه مثبت من مراجع تاريخيه كتير .
حق الرد مكفول للجميع و لكن في حدود الأدب و يا ريت يكون الرد بالدليل .
ليست هناك تعليقات:
إرسال تعليق